Господи Иисусе Христе, Сыне Бога живаго, Крест претерпевый и смерть Спасения ради рода человеческого, во ад сшедый, тридневное погребение приемый, смерть поправый, диавола упразднивый и разрушивый вражды средостение, приими молитву смиренных раб Твоих, с покаянием и сокрушением сердечным Тебе вопиющих о прекращении вражды и ненависти, о прекращении агрессии в Украине, о недопущении брани (войны) и кровопролития в Европе и во всём мире.
О, Всемилостивый Господи, мир даровавый роду человеческому, угаси всякую распрю и раздоры, умири злобу враждующих, благослови молящихся Тебе миром и благоденствием, и подаждь примирение всем враждующим, мир, тишину, взаимное уважение каждому человеку, каждому народу и каждой стране!
Пламенем любве распали к Тебе сердца наша, да душею и всею крепостию нашею возлюбим Тя, и искренняго своего.
Яко Ты еси Любовь и Мир наш, и Тебе славу возсылаем, со Безначальным Твоим Отцем, и Пресвятым и Благим и Животворящим Твоим Духом, ныне и присно, и во веки веков. Аминь.